08.01.2021 | Kakim
Инчхон қаласының әкімшілігі Инчхон қаласының туризмді дамыту жөніндегі ұйымымен бірлесіп, Қазақстанның Тәуелсіздік күнін мерекелеу және медициналық туризм саласындағы ынтымақтастықты нығайту құрметіне пандемия кезінде Оңтүстік Корея аумағында тұрып, қаржылық қиын жағдайға тап болған және шұғыл медициналық тексеруден өтуді қажет ететін қазақстандықтарға көмек ретінде қайырымдылық акциясын өткізеді.
Биыл алғаш рет Инчхон қаласының билігі осындай шараны өткізуге шешім қабылдады. Көмекке мұқтаж Қазақстан азаматтарынан келіп түскен өтінімдерді Инчхон қаласының әкімшілігі жанындағы тәуелсіз комиссия, сондай-ақ КМК КАЗМЕДИКОР Қазақстан-Корея компаниясының өкілдері қарады. 4 адам іріктелді, олардың екеуі бүгін толық медициналық тексеруден өтті, қалған екеуі 18 желтоқсанда өтеді. Инчхон әкімшілігі мен Инчхон қаласының туризмді дамыту ұйымы көлік пен медициналық аудармашыларды тегін қамтамасыз етті.
"Өткен жылы Инчхон қаласының әкімшілігі Моңғолия, Вьетнам және Филиппин азаматтарына емдеу және операциялар жүргізу үшін тегін медициналық қызмет көрсетті. Сондай-ақ, 32 дәрігер Қытай мен Моңғолиядан өз біліктілігін арттыру бойынша тегін оқудан өтті. 2021 жылы біз Қазақстанмен қарым-қатынастарды дамытуға басымдық бағыт береміз. Қазірдің өзінде біз медициналық персоналды оқыту бойынша онлайн платформаны дайындап жатырмыз, егер COVID-19 жағдайы жақсаратын болса, онда оқыту Инчхон ауруханалары негізінде өтеді." - Ким Хе Гьен-Инчхон қаласының Денсаулық сақтау департаментінің бөлім басшысы.
Келесі жылы емделуге келетін (ауыр хирургиялық науқастар) Қазақстан азаматтары үшін қала әкімдігі COVID-19 (тегін тексеру қызметін ұсынады, 1:1 ауруханада емделу кезінде тегін ауызша және жазбаша аударманы ұсыну, 1 күндік тегін тур, операциядан кейінгі қауіпсіздік қызметі (егер операциядан кейін 6 ай ішінде қайта емдеу қажет болса, медициналық шығындардан басқа барлық шығындар өтеледі).
"Инчхон әкімшілігі біздің азаматтарымыз үшін осындай іс-шараларды өткізу туралы өтінішке жауап бергеніне қуаныштымыз. Келесі жылы біз осы қайырымдылық акцияны қайта өткізгіміз келеді, бірақ ауыр науқастарды Қазақстаннан алып келеміз. Ұшу, тұру, көлік, тамақтану және емдеу бойынша барлық шығындарды біз серіктестеріміз Инчхон қаласы әкімшілігімен бірге өз тарапымыздан өтейміз" - Талдыбаев Жанәділ, КМК Казмедикор директоры.